Məqalə Tərtibat Qaydaları

MƏQALƏYƏ QOYULAN TƏLƏBLƏR VƏ MƏQALƏNİN FORMATI

1. Ümumi tələblər

Məqalənin ümumi həcmi 7000 sözdən çox olmamalıdır.
Məqalə APA 7 istinad sisteminə uyğun hazırlanmalıdır.
Müəllifin (müəlliflərin) ORCID nömrəsi mütləq göstərilməlidir.
Müəllifin (müəlliflərin) elektron ümvanı (E-mail) mütləq gpstərilməlidir

2. Məqalənin adı

Məqalənin adı qısa, aydın, informativ olmalı və məzmunu dəqiq əks etdirməlidir. Başlıq böyük hərflərlə yazılmalıdır. Şrift: TimesNew Roman, 11 pt.

3. Müəllif məlumatları

Məqalədə hər bir müəllif barədə aşağıdakı məlumatlar göstərilməlidir:

ad, soyad, ata adı;
elmi dərəcə və elmi ad;
iş yeri və ya təşkilatın adı;
şəhər və ölkə;
e-poçt ünvanı;
ORCID nömrəsi. (Şrift: TimesNew Roman, 12pt.)

4. Xülasə, açar sözlər və JEL kodları

Xülasə əvvəlcə məqalənin yazıldığı dildə, sonra isə ingilis dilində verilməlidir. Xülasədə tədqiqatın aktuallığı, məqsədi, istifadə olunan metodologiya, əsas nəticələri, elmi yeniliyi və tətbiqi əhəmiyyəti qısa və sistemli şəkildə təqdim olunmalıdır. Xülasə məqalənin əsas məzmununu əhatə etməlidir. Xülasənin həcmi 250–300 söz olmalıdır. Məqaləyə 5–8 açar söz və uyğun JEL kodları əlavə edilməlidir. (Şrift: TimesNew Roman, 11 pt., interval 1)

5. Məqalənin əsas strukturu

Məqalə, əsasən, aşağıdakı hissələrdən ibarət olmalıdır:

Giriş
Ədəbiyyat icmalı
Məlumat və metodologiya
Təhlil və qiymətləndirmə
Yekun və tətbiqi nəticələr
Ədəbiyyat siyahısı.

6. Giriş

Giriş hissəsində mövzunun aktuallığı əsaslandırılmalı, tədqiqat probleminin mahiyyəti açıqlanmalı, məqsəd və vəzifələr dəqiq göstərilməlidir. Eyni zamanda tədqiqatın obyekti, predmeti, əsas sualı və ya hipotezi ifadə olunmalı, mövzunun elmi və praktik əhəmiyyəti qısa şəkildə izah edilməlidir. Lazım gəldikdə mövzu ilə bağlı əsas elmi yanaşmalara qısa istinadlar verilə bilər. (Şrift: TimesNew Roman, 12pt., interval 1.15)

7. Ədəbiyyat icmalı

Bu bölmədə mövzu üzrə mövcud elmi ədəbiyyat sistemləşdirilməli, müxtəlif müəlliflərin yanaşmaları müqayisəli şəkildə təhlil olunmalıdır. Ədəbiyyat icmalı yalnız mənbələrin sadalanması ilə məhdudlaşmamalı, müəllif baxışına və elmi boşluqlarıngöstərilməsinə əsaslanmalıdır. Birbaşa sitat verildikdə səhifə nömrəsi mütləq göstərilməlidir. (Şrift: TimesNew Roman, 12pt., interval 1.15)

8. Məlumat və metodologiya

Bu bölmə məcburidir. Burada istifadə olunan məlumat bazası, araşdırılan dövr, müşahidə vahidləri, göstəricilər, dəyişənlər, təhlil üsulları, modellər və metodoloji yanaşmalar aydın şəkildə təqdim olunmalıdır. Xüsusilə aşağıdakılar göstərilməlidir:

məlumat mənbələri;
məlumatların aid olduğu dövr;
seçmə və əhatə dairəsi;
istifadə olunan əsas göstəricilər;
tətbiq olunan statistik, ekonometrik, müqayisəli və ya keyfiyyət metodları;
modelin və ya metodoloji yanaşmanın seçilmə səbəbi;
tədqiqatın məhdudiyyətləri;
etibarlılıq və uyğunluq məsələləri. (Şrift: TimesNew Roman, 12pt., interval 1.15)

9. Təhlil və qiymətləndirmə, nəticələr

Bu bölmədə tədqiqat nəticələri seçilmiş metodologiyaya uyğun olaraq sistemli, məntiqi və ardıcıl şəkildə təqdim edilməlidir. Nəticələr cədvəllər, qrafiklər, diaqramlar və digər vizual materiallarla dəstəklənə bilər. Hər bir cədvəl və ya qrafik mətndə ayrıca izah edilməli, nəticələrin yalnız texniki təqdimatı ilə kifayətlənilməməlidir. (Şrift: TimesNew Roman, 12pt., interval 1.15)

10. Yekun və tətbiqi nəticələr

Bu hissədə məqalənin əsas elmi nəticələri ümumiləşdirilmiş formada təqdim olunmalıdır. Tədqiqatın elmi yeniliyi, praktik əhəmiyyəti və mümkün tətbiq istiqamətləri aydın şəkildə göstərilməlidir. Zərurət olduqda tövsiyələr və gələcək tədqiqat istiqamətləri də bu hissədə verilə bilər. (Şrift: TimesNew Roman, 12pt., interval 1.15)

11. Ədəbiyyat siyahısı

Ədəbiyyat siyahısı APA 7 qaydalarına uyğun tərtib olunmalıdır. Mənbələr əlifba sırası ilə verilməli, nömrələnməməlidir. Mətn daxilində istinad olunan bütün mənbələr ədəbiyyat siyahısında göstərilməlidir. Bir neçə dildə mənbədən istifadə edildiyi hallarda mənbələr dillər üzrə sistemli şəkildə qruplaşdırıla bilər. DOI olan mənbələrdə DOI mütləq göstərilməlidir. (Şrift: TimesNew Roman, 11pt., interval 1.0)

Nümunələr:

Aliyev, A. N. (2023). Regional inkişafın sosial-iqtisadi qiymətləndirilməsi məsələləri. İqtisadi Tədqiqatlar Jurnalı, 12(2), 45–60. https://doi.org/10.xxxx/xxxxx

Azərbaycan Respublikası Dövlət Statistika Komitəsi. (2024). Regionlar üzrə əsas sosial-iqtisadi göstəricilər. [URL varsa əlavə olunur]

Freeman, C., &Soete, L. (2009). Developingscience, technology and innovation indicators: Whatwe can learnfromthepast. UNU-MERIT.

North, D.C. (1990). Institutions, institutionalchange and economicperformance. CambridgeUniversity Press.

World Bank. (2022). Worlddevelopmentreport 2022: Financefor an equitablerecovery. World Bank.